يــا أنيـقـة آســف بـشـدة عـلـى هالـحـوسـه
غرفتـي تشبـه كثيـر أوضـاعـي المحيـوسـه

مـــا توقـعـتـك ابـــد بـتـجـيـن.. فاجـأتـيـنـي
عالـعـمـوم الله يـحـيـي الـطـلـه المـحـروسـه

وقـفـي.. لحـظـات بـيـن عـيـونـي التعـبـانـه
ليـن ارتــب لــك اريـكـة قلـبـي المشمـوسـه

واجلسـي بيـن الـزرايـر والحـشـا الافريـقـي
واذنــي للبـكـي.. بـيـذاكـر مـعــاك دروســـه

شـاعـرك فـوضــاه علـمـتـه يـرتــب حـبــك
انتـي ثـم الحـزن.. ثــم دمـوعـه المحبـوسـه

والدموع اللـي علـى وصلـي ووصلـك تنـزل
تـرفــع بـنـزولـهـا.. اعـلامـنــا المـنـكـوسـه

هــذا انـتـي مـانـي مـصـدق ولانــي مـكــذب
آآآه مــن بــرد الجـفـا وريـاحـه المـتـروسـه

وايـه حنـا نـاس غـيـر الـنـاس يــا حـوريـه
رووسنـا ماهيـب لضعـاف البشـر مريـوسـه

لا افترقـنـا نبتـسـم.. والـيـا التقـيـنـا نـبـكـي
ويـافـديـت جنـونـنـا واشـيـاءنـا المعـكـوسـه

مرحـبـا ترحيـبـة الـبــدو الـعـزيـب الـرحــل
بالمطـر لا اروى الهشيـم الماحـل المعبوسـه

صـح هـذا انتـي وهـذا عطـرك.. السميـاكـي
وهذي بوهة وجهك اللي بالضحى محموسـه

وهذي ربطـة شعـرك البيضـا وذي خصلاتـه
كنهـا فـي زيــت زيـتـون الشـفـق مغمـوسـه

مـــا تغـيـرتـي وهـــذا الـمـعـطـف الـعـنـابـي
وهـذي ساعـة يـدك المحظوظـه المنحـوسـه

لاهــي الـلـي طـالـت اصـابـعـك واتشابـكـهـا
ولاهـي اللـي قريبـه مــن عاتـقـك وتبـوسـه

وهذي مشيتك اللي من صغرك مـا غيرتيهـا
هالبـشـر يخـجـل يـضـر الـقـاع ولا يـدوسـه

الـجـمــادات الــــرذاذ تـهـمــس لامـريــتــي
مرحبا.. يالناعس.. المحشومـه.. الطاووسـه

قولـي والله انـك انتـي معـي مـانـي مـصـدق
لاتلـومـيـن الـحــواس الـشــرد المـهـووسـه

كـل مـا غنـن لــي الغـيـد بـصـوت مـواصـل
شـلـهـا قـلـبـي وركـبـهـا عــلــى مـنـكـوسـه

صــورة فـالـبـال لـــك كـــم عـــام تتخيـلـهـا
اقـرب احيـانـا مــن المحسـوسـه الملمـوسـه

وانـتـي لــو ماكنـتـي فـيـدي ولا كنـتـي لــي
لحظتـك عـن عـام كـل ليليـة مـع.. عروسـه

لأنـــك الافـخــم اســـم والابـســط انسـانـيـه
ولأنـك الـوجـه التـقـي والطيـبـة المغـروسـه

ولأنــي احـبـك محـبـة عـمـق مـاهـي نــزوه
اسمى من حب الجسد واهل الهوى ونجوسه

يــا انيـقـة آســف بـشـدة عـلـى هالـحـوسـه
لهجتـي تشبـه كثيـر اوضاعـي المحسـوسـه

مـــا سـألـتـك لـيــه جيتـيـنـي ولا ضـيـفـتـك
مابـي اخـرب علـى جـو الـوصـل وطقـوسـه

ليـه جيتـي اسألـك وانـا اعـرف وش جـابـك
طـاب شجـر الغـاب والحطـاب قــرب فـوسـه

لا تقولين اني ارخصتـك وانـا مـا ارخصتـك
ولا تقولـيـن اشـتـراك المشـتـري بفـلـوسـه

ولا تقولـيـن ان هالـمـرة هــي آخـــر مـــره
اتركـي لــي حـلـم بـعـد احـلامـي الميئـوسـه

انـا شاعـر حلمـه اللـي سـوى مـنـه شـاعـر
الـذهـب.. والعـالـم الـجـديـد.. دم ضـروســه

يــا انيـقـة لـوخـذوك وسـافـروا بــك عـنــي
الارض صدري والسفر من قوسه الياقوسـه

ليـت صيـت الجـد مـا ينفـع سخيـف احـفـاده
وليتهـا هالحـيـن وان لـكـل شــارب مـوسـه

وليت.. نقطه نقطه نقطه نقطـه نقطـه نقطـه
مـابـي اغـلـط فالـزمـن والعـالـم المنـفـوسـه

ماعرف شاقول.. ولا اعـرف ويـش اسـوي
الحـزن طلـت مــن ابــواب الليـالـي روســه

انسـي كـل اللـي حصـل هاللحظـة وضميـنـي
يـا خسـارة عـمـري الـلـي راح ويانامـوسـه

والله ان امــه دعتـلـه تـحـت بـــاب الكـعـبـه
واحــد حـطـك ف بيـتـه يالـغـلا.. عـروســه